Treytir og kunning

Gjaldstreytir

Bókingar skulu rindast við bílegging.
Um avlýst verður 14 dagar ella meira fyri komu, verður full upphædd afturgoldin.
Um avlýst verður minni enn 14 dagar fyri komu, hevur Hotel Skálavík rætt til at rokna sær allan prísin fyri uppihaldið.

Um tit eru 10 ella fleiri, ið bíleggja saman, so verður hetta lýst sum ein bólkur. Vinaliga sí okkara bólkatreytir.

Koma og fráferð
Koma er eftir kl. 14.00 og fráferð kl. 10.00.
Hotel Skálavík er mannað alt døgnið. Tó er neyðugt at siga frá í góðari tíð, um koma er seinni enn kl. 21.00. Ring á 23 59 32. 
NB – um so er at vit ikki skulu brúka kamarið dagin eftir, so ber til at bíða við fráferðini til kl. 12.00 ella seinni. Hetta kann avtalast við starvsfólkunum á hotellinum, tá ið tú ert á staðnum.

Tráðleyst internet
Ókeypis tráleyst internet er á hotellinum.

Morgunmatur
Í kamarsprísinum er morgunmatur íroknaður. Morgunmatur er frá kl. 08.00 – 10.00 hvønn morgun.

Royking
Øll kømur og høli á Hotel Skálavík eru roykfrí, tó ber til at roykja uttanfyri. Verður hetta ikki tikið fyri fulla virðing, fær viðkomandi eina rokning á kr. 3.000 fyri reingerðing.

Hundar
Til ber ikki at hava hundar á hotellinum.
Verður hetta ikki tikið fyri fulla virðing, fær viðkomandi eina rokning á kr. 3.000 fyri reingerðing.

Parkering
Hotel Skálavík bjóðar ókeypis parkering.

Súkklur
Hotel Skálavík hevur súkklur til leigu fyri kr. 99 fyri 3 tímar. Hvør eyka tími kostar kr. 49. Súkklurnar kunnu leigast í móttøkuni.
Tá ið súklurnar verða leigaðar mugu 500 kr. rindast í depositum.
Verður súkklan ikki latin aftur til Hotel Skálavík eftir leigutíðina, verður virðið á súkkluni trekt av gjaldaskortinum, ið er lagt sum trygd fyri depositum.

Heitur uttandura pottur
Hotel Skálavík hevur ein heitan uttandura pott, sum ber til at leiga fyri kr. 225 kr. um tíman fyri gistandi gestir. Gestir, sum ikki gista á hotellinum, rinda kr. 398 fyri allan pottin í ein tíma. Pláss er fyri 7 fólkum í heita pottinum. Kann bíleggjast í móttøkuni.

Viðføri
Hava tit tørv á hjálp viðvíkjandi viðførinum, ber til at ringja á tlf. 23 59 32, og fáa eina hjálpandi hond við viðførinum.

Barnasong
Til ber at bíleggja barnasong til kamarið uttan kostnað.

Aktivitetir
Á Hotel Skálavík eru alskyns aktivitetir til vaksin og børn. M.a. eru nógv borðspøl til láns, hoppiborg (um høllin ikki er í brúk til annað tiltak), 10 súkklur, fótbóltar, fótbóltsmál, crocket, grillsmáttur o.a. 

Bankaupplýsingar
Eik Banki 9181 0004819944
SWIFT / BIC kota: EIKB FO TF
IBAN kota: FO69 9181 0004 8199 44