Smyril Line - Frásagnir

Frásagnir

Les áhugaverdar frásagnir.

 

Árligi ráðleggingardagurin í Skálavík

Vit fóru 14 starvsfólk á ein eindagstúr til Skálavíkar, har vit brúktu árliga ráðleggingardagin at samantvinna tað sosiala og tað fakliga.

Vit fóru við bussi og bilum til Gomlurætt, og yvirum Skopunarfjørð kl. 07.30. Bussur kom eftir okkum í Skopun og koyrdi okkum til Skálavíkar.

Arbeiðsdagurin byrjaði við einum góðum morgunmati kl. 9, og síðani arbeiddu vit í fundarhølinum til á middegi, tá ein góð máltíð var á skránni. Síðani høvdu vit ein longri steðg, har møguleiki var at gera tað einum lystir: onkur fór í heita pottin, nakrar fóru at shoppa í mótahandlinum Brynja, onkur gekk sær ein túr, meðan aðrar tóku sær av løttum á hotellinum. Síðani tóku vit arbeiðsdagin upp aftur, og arbeiddu til kl. 16. Teistin sigldi kl. 16.30.

Fyrimunurin við at vera fjarskotin frá gerandisdegnum er uttan iva tann, at øll starvsfólkini eru til staðar hesar tímarnir, har eingin hevur ørindir her og har.

Turið Horn, leiðari á Dagstovninum undir Brúnni

7. september 2015

 

Fjarskotin fyri at halda fokus

Vit hava verið á Hotel Skálavík tvær ferðir í 2015. Fyrru ferð vóru vit 16 mans í 2 dagar, og seinnu ferð vóru vit 6 mans í 5 dagar, og síðani komu 8 aðrir í ein dag.

Vit hava longu verið har tvær ferðir, og hava allir hentleikir verið tøkir báðu ferðir. Fyrimunurin við at vera fjarskotin frá gerandisdegnum er, at fólk fara ikki út at reika, og megna halda fokus uppá uppgávurnar.

Millum havnina og Skálavík hava vit havt egnar bilar við, og túrurin yvirum Skopunarfjørð hevur verið avbera góður.

Árni Jakobsen, stjóri í SMJ

 

Samansjóvingin byrjar longu á Skopunarfjørði

Tá vit fóru við Teistanum yvirum Skopunarfjørð, byrjaði samansjóvingin og er hetta ein byrjan uppá arbeiðið, sum skal gerast í Skálavík. Vit vóru 10 leiðarar og 1 konsulentur, sum fóru avstað í mai mánaða og gistu á Hotel Skálavík í eina nátt.

At koma burtur frá vanliga gerandisdegnum, er avgjørt ein fyrimunur. Ikki minst tí, so merkist tað at man er farin til nakað serligt, og tað er eisini ein fyrimunur at tú fært betur frið til at gera tað, sum tú ert farin til at gera. Vit høvdu tríggjar bilar við, sum vóru góðir at hava, um ein nú hevur hug til at fara ein túr í Sandoynni. 

Eyðun Mørkøre, stjóri í Taks.

 

Fráferð ( ): 01.12

Bílegg á tlf. 345900